ان قلت احبك سامحيني ظلمتك

ان قلت احبك سامحيني ظلمتك
/

اجمل صدوف الوقت يومي عشقتك
واصبحت عاشق للغزل والاغاني

وعلى جفاف اوراق شعري مطرتك
وتزرع على صفحات عمرك معاني

ومن يوم سولفنا غرام وعرفتك
راح الظلام الي سنين اعتراني

واذا انشغلت امن الزمان وذكرتك
جيتك وفيني شوق يدفع حناني

ان قلت احبك سامحيني ظلمتك
انا عشقتك عشق بين المحاني

حتى على صدر المشاعر رسمتك
وجهٍ عن وجيه الاوادم كفاني

وان جيت في درب الغرام ووصلتك
اخرج من احساسي على احساس ثاني

واقول قرًب وانشدك ما وحشتك
واسري واخلي للاجابه مكاني

يعافيك ربي على هالطرح الرائع والجميل ..
سلمت اناملك على الموضوع الاكثر من روعه ،
بنتظارجديدك القادم ~